Ән айту-музыкалық тәрбиенің аса маңызды құралы

Ән айту-музыкалық тәрбиенің аса маңызды құралы болып табылады және баланы жан-жақты жарасымды жетілдіру міндеттерін шешуде елеулі рөл атқарады. Бала дауысы-нәресте кезінен қалыптасқан табиғи құрал. Сондықтан да ән айту бала ағзамына жайлы тиіп, сөйлеу қабілетін жетілдіреді, тынысын тереңдетуге, дауыс аппаратын шынықтыруына көмектеседі.

Ән айту барысында баланың музыкалық есту қабілеті, ырғақтық сезімі, ой-өрісі дамиды. Көңіл-күйін білдіруге, музыканы терең сезінуге көмектеседі. Ата-аналар әннің әуенін таза айтуға көмектесе ала ма? Әрине, көмектесе алады. Ол үшін алдымен өзіңіз әнді жаттап алуыңыз керек, бірнеше рет фонограммамен айту барысында  баланың қатысуымен таза айтқаны жөн. Ең алдымен буындарға:ма;му;ду;та;ля т.б.

Бірнеше рет айтқаннан кейін бала бірінші дыбысты айта алмаса, өзіңіз айтып көрсеткеніңіз жөн, алдымен оның айтқанын қайталаңыз, қалай айту керек екенін «жуанырақ», «жіңішкелеу» деп түсіндірген дұрыс.

Үйде қандай әндер тыңдайтынына көңіл аудару керек.Тыңдаған ән қандай тәрбиелік әсер етеді?

Музыкаға деген эстетикалық танымы өз бетімен қалыптаспайды:ол үшін әрдайым музыкамен кездесу болғаны дұрыс. Балабақшада барлық жағдай жасалады: әр топта музыкалық сабақтар, ертеңгіліктер, әр түрлі шаралар өткізіліп тұрады. Үш жастағы бала музыка тыңдауды білмейді, біраз уақыт көңілін бөле алмайды, сондықтан музыкалық бейнесі қызықтыратын қысқаша әндерді тыңдатқан жөн. Бұл жастағы балалар өздерінің көңіл-күйін қимыл-қозғалыс, ойын арқылы жеткізеді. Бесік жырын естісе қуыршағын қолына алып тербетеді, көңілді әуен естісе билей жөнеледі. Музыкалық тәрбие баланың ақыл-ойының дамуына әсерін тигізеді.